Girls life

Ye India hai meri jaan,
Yahan par bharose ke badle pyar nai balatkar milta hai..

Nanhi si pari,
Sabki dulaari,
4 sal ki main
Duniya se anjani,
Haivaniyat ki shikar
Par bach gyi bal bal,
Samajh kuch aya nahi tha
Fir bhul gyi mai v alhad bachpan me,

Hui jab mai thodi badi,
8 sal ki mai,
Pyaari si muskan liye
Khelne gyi thi mai
Par un uncle k haath bahot
Gande the..
Meri chaati ko na jaane kyo
Wo berahmi se masal rahe the...
Bhaag ayi mai ghar
Baith gayi mai ek kone me chup chap dubakkar,
Kuch naa bol payi kisi se,
Samajh hi nahi thi mujhe,
Bas ruth gayi mai us waqt se,

Thodi aur badi hui..
14 saal ki,
Kaafi kuch samajh chuki thi
Par abhi bhi jabaan utni khuli nhi thi..
Jb school k teacher ne gandi niyat se chuaa tha,
Darr gayi thi main...
Parr aur ladkiyo ki tarah dab nhi paayi mai....
Aur ye wakya v yuhi guzar gaya.

Fir jab 20 sal ki umar
Aur bhai k hatho gandi chuan
Bass ab aur nahi bardaasht nhi
Maara maine aisa thappad
Jo aj v usko yad rahega...
Palat k maine bol hi dala
Ladki hu koe khilona nhi...

Jisse pyaar kiya,
usne v mujhe ye ahsas dila diya,
Aurat ki jarurat mard ko sirf bistar me hai ya kitchen me..

Mera bharosa, mere jazbaat
Sabhi aise hi ab bezaar ho gaye..

Mujhe ab kisi mard pe aitbaar nhi,
Nahi ban na kisi ki biwi,
Nahi kisi ki maa..
Darti hu aise hi ghatiya jaat ko paida karne se,
Kyoki ek aurat ki kokh ko hi
Kalankit kiya in kuch mardo ne..

Ek bacchi se bachpana cheen k thama diya darr ka saya..
Kyo jiyu mai ghut ghut k,
Nahi karna mujhe bade budho ka lihaj...
Haa hu mai ek ladki,
Jisko tum log murtiyo me puja krte ho ,
Par samne se apne ankho se nanga kar k nocha krte ho..
Baaki k log v khada tamasha dekhenge..
Kyoki ghar me tumhari bahu betiyo ki ijjat ki nilami me v log khade ho k bas tamasha hi dekhege.
Fir bad me kapdon ko dosh dena,  ladki k charitra pe sawal uthana,
Par kabhi bhi apni khud ki galat soch pe mat nazar ghumana.

Naa mai nhi kahungi ki tum log bachane aao,
Bas un ladkiyo se vinti h jo kal ko maa banegi...
Saare pahre ladko pe lagana
Kabhi bhi ladkiyo ko naa dabana,
Ladke ladkiyo ki parvarish alag n krna wrna
kal ko koe haivan janma hoga kokh se teri,
Ya koe nirbhaya yuhi tadap rahi hogi...

"Main apne alfazon ko chand lineon se viram dena chahungi..

Wo aurat ke jism ko bhi nochta hai
Bachchi ke jism ko bhi nochta hai
Wo darinda hai sahab uska koi imaan nai hota..